SHILLONG: Shillong College-ni Health Care Cell, mijal Sonibar salo COVID-19 vaccin ba tikkani bidingo manderangna ma·siate on·na gita mingsa webinar-ko ong·atangaha.
Tom·anio bakko ra·giparangko rimchaksoani kattarangko aganengon, da·omitingo COVID-ni bidingo webinar-ko ong·atna nangchongmota ga·akenga aro iarangko ong·atachi covid sabisini giproroaniko aroba ma·sisretanirangko chel·atna dakchakgen ine College-ni Principal Dr. Mrs E Kharkongor Principal aganaha.
COVID tikkani bidingo Health department-ni official Dr L Mawlong talate on·aha. Covid sabisi, mande sakantini janggi tanganinan neng·nikaniko ong·ataha, unigimin darangba Covid-19 sabisiko nengrae ra·na nangja, ian sabisimancha ong·a. Sakantian Covid-ni dakbewalko ja·rikna nanga aro janggirangko naljokatna gita COVID tikkarangko su·e ra·tokna nanga ineba Mawlong didianiko on·aha.
