TURA: Re·baenggipa October 30 tariko by-election ong·atnasienggipa 47-Rajabala (Gen) LAC-na watatako man·gipa Police Observer, Turaona sokbaaha ine West Garo Hills District Election Officer, Ram Singh, u·iataha.
U·iataniko on·gipao janapatani gitade, Model Code of Conduct-ko pe·ani aro uni nangchapgipa kamrangni bidingo maikoba sing·na nangode aro badi ka·anirang dongode Police Observer, Brij Bushan Sharma, IPS-ko salantian pring 11-oni 12 bajiona Police Guest House, Fancy Valley, Tura-o grongena man·gen
Unbaksana observer-ko mobile number 9863462354-oba agangrikna man·gen ineba taldapataniko on·aha.
