TURA: East Garo Hills a·jani Samanda primary health centre (PHC)-o Maternity Ward building-ko rikani namsrangjaenga ine East Garo Hills a·jani dingtang dingtang NGO-rang, East Garo Hills a·jani District Medical & Health Officer (DM&HO)-na badi ka·doangaha.
Koborko on·ani gitade, ia building-ko rikani bidingo manderangni badi ka·anirangko man·soenba, East Garo Hills a·jani GSU, FKJGP aro AAYF dolrang, ia biapko nina re·angon, ia Maternity Ward-ko tarigimin plan estimate gita rikjaenga ine NGO-rang nikna man·aha.
Iani bidingo East Garo Hills a·jani DM&HO-na badi ka·e sedoatengon, ia nokko chu·onga gita krongrang dongija rikenga aro pangchakaniko songaniba namen bilgriahani a·selan ian mikkangchi kenchakna nangani ong·gen ine NGO-rang parakataha.
Ia nokko rikenggipa contractor-ni kosako nanga gita ja·kurangko de·china dabiangengon, ia nokni pangchakani aro krongrangko name rikpilna gita ge·etaniko on·china NGO-rang didiataha.
