TURA: West Garo Hills a·jao COVID-19 man·e sigipa mandeni nokdangrangna sorkari, gong 50,000/- ka·e ex-gratia-ko on·enga ine West Garo Hills a·jani Deputy Commissioner u·iataha.
Deputy Commissioner-ni u·iatani gitade, je nokdangrangon 2020 bilsi dipet COVID man·e sigiparang dongachim, uandakgipa nokdangrangna sorkari, sigipa sakprako gong 50,000/- ka·e tangka paisako on·gen aro iana sigipa mandeni nokdang, dingtangmancha COVID-19-ni a·sel sia ine health official-rangni see on·gipa death certificate baksana bank account-rangko District Disaster Management Authority (DDMA) ba DC office-ni on·gipa form-rang baksa block office-rango ba DC office-o on·na gita nanggen.
Ia form-rangko West Garo Hills Deputy Commissioner (Relief)-ni office-oniko ra·ena man·gen.
