TURA: Tura jillani dingtang dingtang biaprangko nitodapatna kam ka·anio kosako donggipa a·arangko cho·e galaniara indin ong·gramanisan ong·enga ine Sherwood School-ni Principal Tyrone D’Brass parakatenba, ia a·arangko skatang galaigija bolrangko ge·na jakkalskachina ku·pattianiko on·angaha.
Tyrone-ni parakatani gitade, Tura-ni Ringre jolo Forest department-ni a·ao iandake kam ka·aniko nikna man·enga, jeon kosako donggipa a·arangko JCB-chi bakenba skatang galengachim.
Ia a·arangko skatang galaigija chimonge donenba bolrangko ge·anio jakkalna man·genchim ine ua aganaha.
“Ia biapo JCB-ni a·a cho·enba skatang galaniko nikna man·enga indiba ia a·arangko skatang galaigija gipin biapo chimonge donna man·aiachim. Da·ororo mikkarang waengahani gimin ia gamchatgipa a·salrang indin bon·aignok. An·ching an·chingni samtangtango tangsekgilgil dongenggipa a·sal gnang a·arangko ripingna nangenga,” ine Tyrone parakataha.
Tura-ko nitoatna kam ka·anio a·arangko cho·e galenga ine matnanga
Date:
Share post:
