SHILLONG: Robibar saloni Sombar salona konta 24-ni gisepo Meghalaya a·dok gimiko mande sak 1 COVID-19 man·daptaiaha indiba ia konta 24-ni gisepo a·doko COVID man·e sigiparang dongtaijaha.
Konta 24-ni gisepo COVID-19 man·dapgipa mande sak 1-ko channe da·o Meghalaya a·dok gimiko COVID-19 man·e dongenggiparang sak 10 gapaha.
Konta 24-ni gisepo COVID man·gipa mande saksara Ri Bhoi a·jao ong·a.
Ia salsani gisepo COVID-19-oni nampilgiparangba dongjaha.
Da·o dipet Meghalaya a·doko COVID-19 man·e sianggiparang gimik sak 1593 gapengaha aro COVID-19-oni nampilgiparangara gimik 92207 gapskaengaha.
