SHILLONG: Adita salrangna skang, Reserve Bank of India (RBI) Guwahati-ni gita Meghalaya Police-ni sipairangna, ‘Electronic Banking Awareness & Training’-ni bidingo awareness program-ko ong·atangaha.
Ia program-ko ong·atanio, Meghalaya a·dokni Director General of Police (DGP) Dr LR Bishnoi, Special DGP I Nongrang aro dingtang dingtang police officer-rangba dongpae bak ra·angaha.
Ia awareness program-ko ong·atanio RBI-ni Regional Director Sanjeev Singha-ba dongpae, Electronic Banking-ni bidingo Meghalaya Police-ni officer-rangna aro sipairangna agan-talate on·anirangko dakangaha.
Digital ba gital chasongni kolrang gita bank-ni kamrangko ka·engon, maming kenna nanggija aro naljokani gnang ka·na man·na gita RBI-ni official-rang, ia awareness program-o Meghalaya Police-ni sipairangna agan-talate on·angaha.
