SHILLONG: Re·anggipa Budbar salo, Meghalaya a·dokni police-rang, West Garo Hills a·jani Bamandanga/Gaptuli samba jolo donggipa Dibru Hills Forest Reserve-o silchidare ra·bitgipa dakait dolni manderang baksa gogrikani ja·man, rim·gittanga man·gipa mande sakgniko jokatna man·aha aro ma·sina man·gijagipa mande sakgnini manggisirangkoba man·aha.
Police official-rangni u·iatani gitade, dakait dakgipa dolrangni bidingo koborko man·soani ja·man police-rang, ia dolni manderangko sandiangon, police-rangko niksoe ia dakait dakgipa manderang, police-rangko an·tangtangni ra·bitgipa silchidarerangchi gona a·bachengaha aro uandaken ja·mano police-rangba dakait dakgipa manderangko gochakna a·bachengskaaha.
Police-rang, dakait dakgipa dolni manderang baksa minute-gni minute-gittammangna gogrikaha ine West Garo Hills a·jani Superintendent of Police (SP) parakataha.
Ia dakait dakgipa manderang baksa adita gogrikani ja·man police-rang, rim·gittanga man·gipa mande sakgniko jokatna man·aha aro ma·sina man·gijagipa mande sakgnini manggisirangkoba man·aha ine police official parakataha.
Ia biaponiko police-rang, AK rifle pongsa, pistol pongsa, camouflage bag kingsa, 7.62 guli rong 23 aro 9 mm guli rong 9-koba man·aha ine SP parakataha.
Re·anggipa November-ni 4 tariko Guwahati-oni taxi driver saksa Bikas Chetia-ko Tikrikilla-oniko rim·gittangani ja·man police-rang rim·gittanga man·gipa mande sakgniko jokatna ia biaprangoniko sandiengachim.
