U·IATTIMGIPAONI
TURA: Tura Government College mikkim rasong baksa niksamsoe a·bachengdilgipa membor-rangko 65-gipa Foundation Day-ko manianio gisik ra·anganiko dakaha aro salgimik manian baksa college ning·o dingtangmancha cultural program-ko attamo ong·ataha.
Niksamsoe dilgiparang aro dingtangmancha education-ko poraigiparangchi 1959 bilsini September 9 tariko gamchatgipa institute Tura Goverment College-ko a·bachengatanichi bang·a chu·sokgipa politician-rang, bureaucrat-rang, scholar-rang aro industrial dakgiparang aro ugita dakgiparang baksa da·alo chu·sokanirangko man·angaha.
Meghalaya Legislative Assembly Speaker Thomas A Sangma aro uni jikgipa, Minister, Housing, PHE Marcuise N Marak aro uni jikgipa, Education Minister Rakkam A Sangma aro uni jikgipa, Chairman Khadi Board Subir R Marak, Adviser, Education depart
(Mitam jak 2-o)
ment Himalaya Muktan Shangpliang aro Secretary, education department Ambrose Marak gipin dilgiparang baksa degree-ko on·angaha.
Salgimik ong·atgipa program-o college-ni degree man·giparangko mande ra·angaha aro college-ko a·bachengsilgiparangni nokdangni manderangna momento-ko on·angaha.
Lt.Captain Williamson A Sangma, Lt. Mody K Marak, Lt. Simison R Sangma, I Ch Momin, Lt. E R Marak, Lt. Sodini G Momin, Mon Bahadur Newar, Lt Ravilal Jayshree aro Lt. B Lohar uamangni nokdangni manderangna momento-ko on·angna baksa gisik ra·aniko dakan baksa mande ra·angaha.
Rhinkle Marak-ni gita segipa ki·tap ‘Galwangreni Aski’-ko gipin dilgiparang baksa Legislative Speaker Thomas Sangma-chi maniani salo oprakaha. Uni ja·man attamo college-ni auditorium-o cultural program-ko ong·ataha.
Mongsonggipa sokgipa ong·e Legislative Assenbly Thomas Sangma, Chief Minister Conrad Sangma-oni aganatgipa kattako tom·bagipa mande jinmana aganangaha, jean da·o a·songni skotong songjinma New Delhi-o G20 Summit-o dongpaenga. India a·songni gita dal·begipa G20 summit tom·aniko sokachakenganian dal·begipa a·songo songdonggipa sakantina rasongko on·angani ong·enga ine Sangma aganaha. Batanggimin bilsi 65-o Tura Government College-ni pilak chu·sokanina ua kusi ong·chaka ine ua agandapangaha.
PHE Minister Marcuise N Marak, Education Minister Rakkam A Sangma aro Tura Government College Principle Terence Marak manianio gipinrang baksa agananiko dakangpaaha.
caption:Tura Government College uamangni 65-gipa Foundation Day-ko maniao gitcham dilgiparangko mande ra·an baksa memento-rangko on·enga.