SHILLONG: Meghalaya a·dokni Civil Defence & Home Guards department-o bangbang ong·e dongenggipa ming 445 kamrangna gimik sak 22,742 candidate-rang dorgastoko galaha ine a·dokni Civil Defence & Home Guards Minister Comingone Ymbon parakataha.
Bangbang ong·e dongenggipa ming 445 kamrangna sak 22,742 candidate-rang dorgastoko galahani gimin bangbang ong·e dongenggipa kam mingpraknan sak 50 batpile dorgastoko galani gita ong·aha.
Ymbon-ni parakatani gitade, ia kamrangna re·baenggipa November 18 tarikoni 21 tarikona Physical Efficiency Test (PET)-ko ong·atanggen.
Ia bangbang ong·e dongenggipa ming 445 kamrangara, sub-inspector-na sakbri, guardsmen-na sak 284, driver-na sak 17 aro non-combatant employees (NCE)-na sak 140 ong·enga aro ia kamrangko Shillong aro Tura-o gapatgen.
Skang ong·atna manchigimin PET-ko ra·doatna nangao ga·akaha ine janapatengon, iani bidingo ua bang·en badi ka·anirangko man·soaha aro an·tangan obostarangko niangani ja·man ia PET-ko November 18 tarikoni November 21 tarikona ong·atskana tik ka·aha ine Minister parakataha.
Je candidate-rangan October 4,5,7 aro 8 tarikrango physical measurement test (PMT) aro PET-o bak ra·ani ong·achim aro jemangan PMT-o chu·sokgiparang ong·e October-ni 2 aro 3 tarikrango PET-o bak ra·ahachim, uamangde bak ra·taina gita department-ni www.
