SHILLONG: NTPC-na bangki dongenggipa gong kror 666-ni grorangko 2026-2027 bilsini gisepon gamna man·gen ine Meghalaya sorkari, ka·dongchakenganiko parakataha.
Assembly-o sing·anirangna aganchakaniko on·angengon, a·bachengo ra·gipa gong kror 488-ni grorangkode 2023 bilsio ra·gipa gong kror 244-ni loan-rangchi bewalde komiatna man·ahachim indiba sudrang aro gipin korosrangchi ia grorang, gong kror 666-ona bariangtaiaha ine Budbar salo, a·dokni Power Minister AT Mondal parakataha.
Iani ja·man a·dok sorkari, NTPC-ko grongenba, gong kror 99-kode PSU komiataha aro grorangko gong kror 565-ona komiatna man·aha ineba Power Minister aganaha.
A·bachengode ia grorangko chang 20 dake gamchina NTPC, a·dok sorkariko aganahachim indiba ja·mano chang 36 instalment-na sorkarini mol·molaniko NTPC ra·chakaha ineba Mondal aganaha.
Da·o MeECL, jaantian gong kror 15.7 tangkarangko NTPC-na gamenga aro re·baenggipa 2026-27 bilsiode ia grorangko matchotna MeECL ka·dongenga ineba Mondal aganaha.
NEEPCO, OTPC aro Powergrid-nade MeECL grorang dongjaha ineba Power Minister parakataha.
Mondal-ni parakatani gitade, Umiam Hydro project-ko name jakkalani a·sel sorkari, ia bilsini gisepo gong kror 500-ko man·dapaha. Da·o bijoliko palna gita damrang rakahaosa aro Indian Energy Exchange gita bijoliko palna man·ahaosa a·dok sorkari, Umiam-oniko bijoli bikotaiengaha ineba Power Minister aganaha.
Meghalaya a·doko maram cha·gimin lak 1 bijoli krongrangko bakan sorkari, RDSS aro ADB scheme-rang baksa te·sregnok ine janapatengon, MeECL-o sub-station-rangko chalaina manderang chu·ongjaengani gimin mitam sub-station-rangkode rakgipa niamrangko done aro joltangni manderangna kamko on·china agane, private company-rangchi chalaiatskaenga ine Mondal parakataha.
 |
ReplyForward
|