SHILLONG: MGNREGA aro gipin scheme-rangni kamrangko chu·gimik matchota ja·mansa bill-ko on·china gita Community and Rural Development Department, BDO-ko ge·etaha.
Garo Hills-ni dingtang dingtang jolrango job card donggiparangni kam ka·ani bidingo VECs-ni tangka cha·bokanirangko changni chang badi ka·aniko nikna man·aha.
Mejaomangmang Dembema C&RD Block-ni ning·o ga·akgipa Bhangarpar songni headman aro gipinrang West Garo Hills-o job card-ni kamko ka·giparangni bidingo cha·bokanirangko badi ka·omangba authority-ni mamingkon aganchakgija jrip donganina sing·doaha. PMAY-Awas Plus scheme-ni gita nokrangko rike on·na ku·chake manderangoniko tangka dabie ra·ani bidingo Block Development Officer (BDO)-na badi ka·doaha.
Badi ka·anirangna aganchakanio C&RD Minister AT Mondal, tangka cha·bokani mamlarangko name dake nirokchina BDO-ko ge·etaha.
BDO aro field officer-rangko scheme-ni kamrang chu·gimik matchotani ja·mansa bill-rangko on·china ge·etaha.
“Indake BDO-rangko badi ka·doaniko man·sogiparangni bidingo am·sandianiko dakchina ge·ete report-ko DC-na on·china aganaha.
