SHILLONG: Ward’s Lake-o ong·atgipa Cherry Blossom Festival-o ia bilsi Japanese Arena-o Meghalaya-ni Santosh Sangma, uni song·na changa sapaniko mesokangaha. Uni cha·ani tarina sapaniko nike Chief Minister Conrad K Sangma-ba de·mittelaha.
“A·doktangni chef Santosh Sangma-ni Cherry Blossom Festival- Ward’s Lake-o dongipa Japanes Arena-o uni changa sapaniko mesokaniko nike kusi ong·bea ine Chief Minister, uni social media-o parakaha. Aro chef-ni cha·ani tarigipa video-koba watchapaha. Niksenggipa chef Santosh, ia bilsini festival-o Shillong-o Janpanese cuisine-ko mesokangaha. Uni janggi tanganio re·mikkanganina nama sikaniko on·a.”
Chef Santosh, Banglaore-o restaurant chalaienga, indake ua festival-o bakko ra·e uni changa sapanirangko mesokangaha.
Conrad Sangma-ni watgipa video-o Chief Minister, Santosh-ko a·doktangona re·bapile restaurant-ko kuliani gimin sing·aha. Iana chef, ‘mikkangchi Shillong-o cholrang dongode sokbana donga ine aganchakaha.”
CM Conrad aro chef Santosh-mangni gisepo social media-o agangrikaniko nike food lover ba cha·ani cha·na namnikgiparangni gisepo namen kusi ong·soaniko nikna man·aha. Meghalaya-oni chadambe chef Santosh-ni a·dokona re·bae restaurant-ko chalaianiara namen didiani ong·gen.
