TURA: Sonibar salo India a·song gimiko chang 16 gipa National Voters Day ko maniangengon “My India, My Vote” (Citizen at the Heart of Indian Democracy) katta bichong ko ra·e Tura ni District Rural Development Agency (DRDA) Conference Hall-o maniangskaa.
Ia program ni bako a·jani Deputy Commissioner Shri. Vibhor Aggarwal, IAS, Smt. Lisa K. Marak, MCS, aro gipin Official rang bakko ra·angaha. Indake a·jani Deputy Commissioner ia program-o mongsonggipa sokgipa ong·e bakko ra·e jinma na aganprakaniko dakengon a·songo songdongenggipa manderangni a·songo songdong-a·chaengon sason ni bidingo an·tangtangni namnikgipa mandeko seoke silroro-namrorona re·mikkangna man·ania rasong gnangbegipa ong·a ine janapangaha. Unbaksana India a·song bilsi 1947-o jakgitel ong·na man·ahaon songdongenggipa manderang na gisik ra·na mangmangsan jakgitel ko man·aijaha indiba ian British manderangni sasono dongaoni jakgitel ong·na man·e gipin chonbegipa a·songrangnaba jotton ka·e jakgitel ong·na man·aniko didianggipa dakbewal ong·skaaha ine agankuaha.
Ia somoini bako a·songo bang·bea ra·bianirangko chagrongna nangkuoba songdongenggipa manderangni krimkro ku·cholsan ong·e kamrangko chu·sokatna man·ani a·sel India a·song ia somoio a·gilsako niksenggipa a·songrangoni damsa ong·enga ine DC agandapkuaha.
Ia program ni bako bilsi 18 gape vote puonna an·tangtangni bimungko skanggipa changna voter list-o segatako man·anggipa chadamberangna Booth Level Officer (BLOs) rangni jako Election Photo Identity Card (EPICs) rangko suale on·angaha.
Chang 16 gipa National Voters Day ko DRDA Conference Hall-o manianga
Date:
Share post:
