SHILLONG: NPP-ni a·gipi dilgipa aro gitcham cabinet Minister James Sangma, party-na cholko on·na ong·ode Rajya Sabha MP-ni daitoko jako ra·na kusi ong·gen ine aganaha.
Meghalaya-ni ge·samangmang donggipa Rajya Sabha membor W.R Kharlukhi-ni term bon·srangkujaenga. Re·baenggipa June jani 21 tariko bon·enga. Indake uni term bon·ani ja·man party, James Sangma-ko Rajya Sabha-ona watnaba donga ine katta jangenga.
Uandake iani bidingo Sonibar salo kobor ra·timgiparang baksa agangrikmitingo James Sangma, indine aganaha, “election-na jagittam-jabri mancha somoirang dongkua, uni gimin da·o mamingkoba agana man·kujawa. Rajya Sabha seat-na sako watgen, iako party-sa chanchigen.”
NPP-ni membor Kharlukhi, uni term bon·a ja·man gnigipa term-na re·taijawa ine parakaha aro ua parliamentarly politics-oni neng·takaniko ra·e chadambe dilgiparangna cholko wate on·skana miksonganiko parakaha. Uni gimin Rajya Sabha seat-na party, haida James Sangma ong·jaode Tura-ni gitcham MP aro NPP-ni a·gipi dilgipa Agatha K Sangma- uamangko ra·angskanaba dongakon ine chanchienga.
Iarangni gisepon party, da·odipet Shillong Parliamentary bye-election-na candidate-ko seokani gimin mamingkon chanchikujaenga. Meja jao Shillong-ni MP Dr. Ricky Syngkon-ni a·gilsakko watangani a·sel Shillong-ni Parliamentary seat bangbang ong·aha.
Uandake VPP-de uamangni koborna ku·wattimgipa Batskhem Myrboh-ko candidate seokaniko parakaha. Indiba NPP aro BJP, darangkon parliamentary seat-na biming minga dongkuja.
Party nangnikode RS-ni daitoko jako ra·na kusi ong·a: James Sangma
Date:
Share post:
