AMPATI: Sukrobar salo, Right To Information (RTI) Act 2005-ni bidingo, South West Garo Hills a·jani sorkari official-rangna aro a·jao songdongenggipa manderangna talataniko on·na gita awareness aro training program-ko Ampati-o donggipa DC office-ni DRDA Conference Hall-o ong·atangaha.
Ia awareness program-ko RTI Act-ni niamrangni gimin aro dingtang dingtang official-rangni daitorangko agan-talate on·na gita Meghalaya State Information Commission ong·ataha aro ia program-o Public Information Officer (PIO), Assistant Public Information Officer (APIO), aro First Appellate Authority (FAA)-rangni kamrangko agan-talate on·angaha.
Ia program-ko ong·atanio, South West Garo Hills a·jani Assistant Commissioner MK Wankhar aganprakengon, PIO aro APIO-rangni daitorangko agan-talate on·angenba, sorkarini kamrangni gimin somoi gita aro parakani gnang aganchakaniko on·na RTI-ni niamrangko ja·rikna nangani gimin aganangaha.
Ia tom·anio, Additional District Education Officer SR Marak-ba aganprakengon, First Appellate Authority (FAA)-rangni dakna nanggni kamrangko agan-talate on·angskaaha.
Ia awareness program-ko ong·atanio, South West Garo Hills a·jani District Informatics Officer (DIO) EA Marak-ba jinmana aganprakengon, RTI online service-rangni gimin agan-talatanirangko on·angaha.
Ia program-ko ong·atanio, dingtang dingtang department-ni head-rang, sorkari official-rang aro ramram manderangba bak ra·angtokaha.
