SHILLONG: Bharatiya Janata Party (BJP)-o napna miksongenga ine jangbingbanganiko Nongthymmai-ni gitcham MLA aro United Democratic Party (UDP)-ni gitcham general secretary Jemino Mawthoh jegalatenba, da·o dipet ua BJP-o napani gimin chanchiaba dongkuja ine parakataha.
Iani bidingo kobor ra·timgipa manderang baksa agangrikengon, maming ja·kurangko de·na skangba ua an·tangni manderang baksa agangrikchenggen ine Mawthoh parakataha.
“Da·o dipet anga angni manderang baksa chanchirimaba dongkuja. Angni manderang baksa chanchirimani ja·mansa anga nanga gita ja·kurangko de·gen,” ine ua aganaha.
UDP-ni gitcham general secretary 2018 bilsiona kingking Nongthymmai constituency-ni MLA ong·ahachim indiba 2018 bilsini Assembly election-o ua amako man·ahachim. Uni ja·man ua 2019 bilsini Lok Sabha election aro 2023 bilsini Assembly election-oba amako man·taiaha.
Ua, dingtang dingtang party-rang, jekai Congress, BJP aro NPP baksaba chanchirimanirangde dongaha indiba da·o dipet badia party-o napgen, ukode tik ka·kuja ine Mawthoh aganaha.
“Manderangna dangdike on·na gitade anga skanggipa angni manderang baksa chanchirimchenge ja·kuko de·on nambatgipa ong·gen. Manderang baksa chanchirimchenggija aro maiko dako nambatgen uko name nichenggijade skatang party-o napna man·jawa,” ine ua aganaha.
Indake ong·engon, Shillong Lok Sabha by-election-o BJP-ni tikitchi susachina mol·molaniko, a·dokni gitcham Chief Secretary DP Wahlang-ba jegalataha.
“Anga politics-o napna gisik nanganiba dongja aro mikkangchiba politics-ni kamrango jak on·na man·jawa,” ine Wahlang, kobor ra·timgiparangna aganaha.
Shillong Lok Sabha by-election-o susana BJP-ni tikitko una on·na nangnikenga ine BJP-ni dilgipa AL Hek aganani ja·man Wahlang, iako parakataha.
A·dokni gitcham Chief Secretary DP Wahlang, da·o kamoni neng·takahani gimin politics-o napanichi manderangna dangdike on·na somoi man·gnok ine Hek aganahachim.
