SHILLONG: Adita salrangna skang, Meghalaya a·doko Khasi aro Garo ku·sikkoba English ku·sik baksana Official Language dake Chief Minister Conrad K Sangma-ni dilanichi Meghalaya Cabinet-ni ra·chakaniara, Khasi aro Garo ku·sikrangko Eighth Schedule-o napatchina dabianio mangrakbatatani gita ong·aha.
Adita salrangna skangsan Meghalaya Cabinet, Meghalaya State Language Act 2005-ko ra·galpilenba, Meghalaya Official Languages Ordinance 2026-ko ra·chakangaha aro ia Ordinance-ko ra·chakanichi, Meghalaya a·doko Khasi aro Garo ku·sikrangkoba English ku·sik baksana Official Language dake ra·chakangaha.
Khasi aro Garo ku·sikrangko Official Language dake ra·gatan baksana ia ku·sik minggnikon, Indian Constitution-ni Eighth Schedule-o napatchina gita songsalni dingtang dingtang dolrang dabitokengon, ia ku·sikrangko Eighth Schedule-o napatna man·na gita a·dok sorkariba, Khasi aro Garo ku·sikrangko Official Language dake ra·chake on·angaha.
Meghalaya Official Languages Ordinance 2026-ko ra·chake, English aro Garo ku·sikrangkoba Official Language dakatahani gimin da·o official-ni kamrango, sorkarini order-rang aro pilak kamrangon Khasi aro Garo ku·sikrangkoba jakkalanggnok ine sorkari official-rang parakataha.
Khasi aro Garo ku·sikrangko Constitution-ni Eighth Schedule-o napatchina dabianio, a·dok ning·o aro India sorkarinaba rakbegipa chinko mesokna nangchongmotenga ine batanggimin sal somoirango a·dokni Chief Minister Conrad K Sangma an·tangba aganahachim.
Indake ong·engon, Khasi aro Garo ku·sikrangko Official Language dake ra·gatna man·ahani gimin a·dokni Chief Minister, dingtangmancha Khasi Authors Society aro A·chik Literature Society-koba, uamangni rakbee kamrangko ka·ahanina mittelpilangaha.
Khasi, Garo ku·sikko Official dakaniara 8th Schedule-o napatchina dabianiko mangrakbatataha
Date:
Share post:
