SHILLONG: Shillong Parliamentary by-election-o susana gita National People’s Party (NPP)-ni tikitna dorgasto galgipa manderang aditan dongani gimin da·o dipet ia by-election-o susana candidate-ko seokna man·kujaenga ine NPP-ni dilgipa aro a·dokni Deputy Chief Minister Sniawbhalang Dhar parakataha.
“Shillong Lok Sabha by-election-o susana gita adita sak candidate-rang party-ni tikitna dorgasto galaha aro iani a·selsa chinga candidate-ko parakanio somoirangko ra·kuna nangenga,” ine Dhar aganaha.
Candidate-ko seokna gita bakan party-ni dilgiparang tom·e chanchirimanggen ineba Dhar parakataha.
“Shillong Lok Sabha by-election-na chinga party-ni candidate-ko parakatna bang·jaengaha. Chinga bakan tom·e chanchirimangenba, candidate-ko seoke, jinmana parakatgnok,” ine NPP-ni minister aganaha.
BJP aro MDA baksa bakrimenggipa gipin party-rangba ia Shillong Lok Sabha by-election-o candidate-tangtangko susaatna miksongengani gimin ian NPP-na nangchakeaniko ra·bagenma ine sing·anina aganchakaniko on·angengon, “Uamangba an·tangtangni vote bank-rango pangchakesa susaengani gimin ian NPP-na maming nangchakeani dongjawa. Ia by-election-o UDP, BJP, HSPDP aro gipinrangba candidate-ko susaatnaba gnang. Chingo common candidate dongja aro chinga pilakan doltangarisa susaaigen,” ine Dhar aganaha.
Rajya Sabha MP-na biming mingani bidingo janapatskaengon, “Rajya Sabha-ni MP-ko seokani giminba chinga chanchikuja. Chinga iani bidingo party-ni gita chanchie, ja·kurangko de·anggen,” ine Dhar parakataha.
Re·anggipa February-ni 19 tariko, Shillong-ni Lok Sabha MP Ricky Andrew J Syngkon-ni tanggitik saaniko man·e siangani ja·man da·o Shillong Parliamentary Constituency-ni by-election-ko ong·atna nangengachim ine nikna man·a.
Shillong LS by-poll-o susanagipa candidate-ko seokna man·kuja: NPP
Date:
Share post:
