TURA: District Council-ni bilsi chikking prako Patta Book-rangko gital daktaina nanggipani bidingo Garo Hills Autonomous District Council (GHADC)-ni Executive Committee adita salrangna skang nangchongmotgipa chanchirimaniko dakangaha, a·a pattarangko gital daktaina gita somoi on·gipa somoi bon·ahani gimin re·baenggipa July 31, 2026 tarikona somoirangko on·dapangaha.
Uni gimin, office-ni kamrangna aro gipin nangchongmotgipa kamrangna, sorkari office-rango, revenue officials, bank-rango aro gipin office-rangoba gitcham a·a pattarangkon ra·chakangkuchina gita janapangaha.
Una agreba, jemangan a·a Patta Book-rangko gital daktaikujachim, ia on·dapgipa somoini gisepon uamangni Patta Book-rangko renew ka·e ra·china gita GHADC-ni Executive Committee didiataha.
