SHILLONG: Batanggimin bilsi 2023 Assembly election-ni ja·man jrip-chi·chang dongenggipa Trinamool Congress, Shillong Parliamentary By Election-o susana gita chanchienga.
Party-oniko kobor man·soani gita, re·baenggipa parliamentary election-o susana gita TMC, chanchienga, party election-o susagenma susajawa iani bidingo chanchia chu·sokkujaenga.
“Party, name dake chanchibewalani ja·mansa election-o susagenma susaangjawa iani gimin chanchigen.”
TMC-ba election-o susaa ong·ode Shillong Parliamentary by election-o susaani bilakbatgen. NPP, UDP, VPP aro Congress-de uamangni candidate-ni bimingko parakatmanaha.
VPP, uamangni koborna ku·wattimgipa (spokesperson) Batskhem Myrboh-ko susaatenga. NPP-Dr DRL Nonglai, Congress- uamangni president Vincent Pala, UDP-ara a·gipi ukil VGK Kynta-ko chakatatenga.
Koborni gitade BJP-ba M Kharkrang-ko party candidate-na chanchienga ine knasoenga.
Ia bilsio Shillong-ni MP Dr Ricky Syngkon a·gilsakko watangani a·sel bye election-ko ong·atna nangao ga·akaha.
TMC, Shillong Parliamentary by-election-o bak ra·na chanchikuenga
Date:
Share post:
