TURA: Meghalaya-ni Chief Minister Conrad K Sangma, Sonibar salo Asian Development Bank (ADB)-ni dakchakanio ‘Supporting Human Development Project in Meghalaya”-ni ning·o rikgipa Tura, Mount Sinai Secondary School-ni gital building-ko oprakate on·aha.
Ia project-ara secondary education, infrastructure aro skill development -ko namdapatna re·mikkangenga. Ia project-ni ning·o sorkarini dakchakenggipa secondary aro higher school-rangko infrastructure-chi namdapataha.
Tom·anio bakko ra·e Chief Minister Conrad Sangma, School Management Committee, Headmistress aro management committee memborrangni school buildingko rikna kam ka·anina de·mittelaha. Aro ian a·dokni chatro-chatrirangna namgni ong·gen ine ka·donganiko parakaha.
Minggipin, education sector-na sorkari bang·a dingtang dingtang investment-ko ka·ani gimin u·iatengon, a·doko ge 2000 Government Lower primary school donga, indiba namgipa infrastructure-an dongja, uni gimin sorkari ua schoolrangko namdapatna jotton ka·enga. Iana agreba Baghmara, Williamnagar, Rongjeng, Patharkmah, Sohra college-na gital buildingko rikna sanction ka·aha, ineba Chief Minister u·iataha.
CM, Tura-ni Mount Sinai Secondary-ni gital building-ko oprakate on·a
Date:
Share post:
