SHILLONG: Bilsi 18 gapgipa ba una batgiparangko covid tika su·na kror 90 tangkako a·dok sorkari nanggen ine Chief Minister Conrad Sangma-ni aganatani salgipino Opposition chief PT Sawkmie indine aganaha, “Prime Minister Narendra Modi, ku·chaka gitan gimik a·dokrangna samko indin on·na nanga.”
A·dok sorkari, lak 30 vaccine dose-ko brena kror 90 tangkako nanggen ine parakatanina Opposition Chief, ia kattarangko aganatskaha.
“Ma·mongni Finance Minister, gimik a·dokrangna covid sabisiko warachakna gita bilsi 50-na interest donggija kror 15000-ko on·na parakataha, uni gimin a·dok sorkari, Prime Minister-ko a·dokrangna indin damgri vaccine ba samko on·china mol·molna nanga,” ine Sawkmie aganaha.
Covid sabisina neng·nikan somoio ma·mong sorkarini, a·dokna dakchakna parakataniara bilongen dakchakani ong·gen ineba Sawkmie aganaha.
