SGH-o niam gri koela salenga ine FIR ka·doa

TURA: South Garo Hills a·jani Gasuapara Land Custom Port gita bikotgimin koelarangko niam gri Bangladesh a·songona salangenga ine matnangenba, iani bidingo Gasuapara police station-o FIR ka·doangaha.
Koborko on·ani gitade, FIR-ko Koinadubi songni saksa John Dalton Ch Sangma minggipa mande, adita salrangna skangan Gasuapara police station-ni officer-in-charge-na ka·doangaha.
Adita salrangna skangsan, Gasuapara-o donge koela badingenggipa Tripura-oni mande saksa, COVID-19 man·e siangahachim aro ia mandeni siangani ja·man ia koela chimongchakenggipa biapko district administration chipe donatchengahachim ine nikna man·a.
Indake ong·engon, Gasuapara-o chimonge donenggipa bikotgimin koelarangko, badiaba dolni manderang, a·dok sorkarina kajinarangko gamchenggijasa Bangladesh a·songona salangenga aro ian a·dokna gimaani ong·enga ine niam gri koela salenggipa manderangni kosako FIR ka·doangaha.
Ia biaponiko niam gri koela salenggipa garirangara Meghalaya a·dokoni ong·ja indiba Assam a·dokonisa ineba FIR-o janapataha.
Iandake niam gri koelarangko salanichi a·dok sorkarini bang·en noksan ong·enga ine janapatengon, ia biaprangoniko niam gri koela salaniko am·sandia nanga gita ja·kurangko de·china FIR-o didiangaha.

Get real time updates directly on your device, subscribe now.

Comments are closed.