TURA: Garo Hills Autonomous District Council (GHADC)-o kam ka·enggiparangko salgittamni gisepon kamtangtangona re·bapile kam ka·china gita executive committee-ni ge·etaniara Tura-o BJP dolna pu·ongiparangkosa miksonge ge·etenga ine Tura-ni BJP MDC Bernard N Marak matnangenba, a·dokni Chief Minister Conrad Sangma-na sedoataha.
GHADC-o kam ka·enggiparang bilsi gittam ong·na sipile dormaharangko man·tokkujaengani gimin kamrangko ka·gija jingjengatengachim ine nikna man·a.
Indake ong·engon, GHADC-o kam ka·giparangko salgittamni gisepon kam ka·piltaichina ge·etaniara aro kamrangko bon·atna ka·mikkenataniara BJP-na pu·ongiparangko miksonge ge·etanisa ong·enga ine Marak matnangatskaaha.
“GHADC-o kam ka·giparangoni bang·batan BJP-na pu·onaha ine pilakan ma·sia aro GHADC-o kam ka·giparangoni bang·batan Tura-o songdongenggiparangsa ong·ani a·selba ia chang GHADC election-o NPP dol Tura constituency-o amako man·aha ine na·a an·tangba aganaha,” ine Marak, a·dokni Chief Minister-na sedoataha.
GHADC-ni secretary aro a·dokni civil service officer Rikse R Marak-ni kosako ua maming ja·ku de·anirang dongja ineba Tura-ni MDC, an·tangni kosako matnanganina talataniko on·angaha.
