TURA: Dadenggre civil sub-division-ni ning·o frontline worker ba mikkango donge COVID-19-ko warachakna kam ka·enggipa manderang pilakkon, man·a dipet ta·raken COVID-ni tikako su·e ra·china gita Dadenggre-ni Sub-Divisional Officer (SDO) Jagdish Chelani ge·etangaha.
SDO-ni u·iatani gitade, Dadenggre sub-division-ni ning·o PDS wholesaler-rang aro Fair Price Shop dealer-rangko man·chape, PDS-ni bosturangko salanio kam ka·enggipa labour-rang, truck driver-rang, handyman-rang aro gipinrangkoba frontline worker ine channani gimin uamangba COVID-19-ni tikarangko su·e ra·pana cholko man·engachim. Uandaken, PDS-ni kamko ka·enggipa frontline worker-rangkoba tika su·na gita program-rangko ong·atchina Dadenggre-ni SDO, Dadenggre-ni sub-divisional medical & health officer baksana Selsella, Phulbari aro Tikrikilla-ni medical officer-rangnaba sedoataha.