SHILLONG: District-o COVID-19 sabisiko man·giparang bang·rikrikengani gimin South West Garo Hills-ni Deputy Commissioner, songrango dokkan dakgiparangna gital niamko ra·gate on·aha aro on·gimin niamrangko tik ong·e ja·rikchina gitaba mikrakataha.
Songrango, Gittimrango dokkan dakgiparang pilakan pring 8 bajioni salani 12 bajionasan dokkanrangko kulina man·aignok. Aro je biap gittimrangkon containment zone ine parakatachim, uandakgipa biaprangode dokkanrangko kulina champengataha.
Damalgreoni Garobadha, Garobadhaoni Garodoba aro Betasing, Ampationi Mahendraganj-ona dakanggipa ramasamo dokkan dakgipa aro palgipa botgiparangkoba champengataha. Unagre, Garodobaoni Mirjumlaona dakanggipa ramasamoba dokkanrangko kulianiko aro pala simaniko champengataha. Iarangna agreba antio cha·gipa bajarrangkoba pilakkon DC champengataha.
