SHILLONG: Yaas Balminduri, Meghalaya a·dokona bilake sokbajanaba donga, jean Bengal aro Odisha Coast ba sagal rikamrangko Butbaro baldapnasienga, aro ia balminduri Meghalaya aro North East region-onade bilake sokbajanaba donga.
Indian Metrological department, Shillong-ni saksa official-ni aganani gitade ia balmindurini a·sel a·doko May 25 aro 26 tarikrango mikkarang wanaba donga.
Indake May 25 tariko mikka kimpretanirang ong·oba mikkade bang·e jimangjanaba donga ineba official mijalo aganaha.
Balminduri sokbagen sokbajagen Sombar salni bako nambate ma·sina man·gen ineba official-rang aganaha.
India Meteorological Department (IMD)-ni parakatani gitade, May 26 attamo West Bengal aro uni mikkangchakgipa north Odisha aro Bangladesh sagal rikamrangko baldapangnasienga.
