TURA: Garo Hills-o adita salrangna mikkarang jimbee waangnaba gnang ine Indian Meteorological Department (IMD)-oni mikrakataniko on·soahani gimin West Garo Hills a·jani pilak official-rangkon, an·tangtangni station-o donge obostarangko nirokchina West Garo Hills a·jani Deputy Commissioner aro District Disaster Management Authority (DDMA)-ni Chairman Ram Singh, ge·etaniko on·angaha.
Re·anggipa Robibar walonin mikkarang jimbee waangahani a·sel Garo Hills-ni mongsonggipa chibimarang dal·bana a·bachengaha aro uandaken West Garo Hills a·jani badiaba badiaba biaprangode chi banna a·bachengahachim.
Indake ong·engon, chirang banani somoio manderangna dakchakanirangko on·na man·na gita biaptangtango donge obostarangko nirokchina West Garo Hills a·jani Deputy Commissioner, a·jani SP, dingtang dingtang civil sub-division-ni SDO-rang, a·jani ning·o donggipa dingtang dingtang block-ni BDO-rang aro pilak department-ni officer-rangna ge·etaniko on·ataha.
Adita salrangna mikkarang jime waangnaba gnang ine mikrakataniko on·ahani gimin chibima ba chiring sambarango dongjachina aro nanggitikan somoirango district ba block-ni emergency nombor-rangona ka·e u·iatchina gitaba Deputy Commissioner, a·jao songdongenggipa manderangko didiataha.
IMD-oni mikrakataniko man·e official-rangko kamtangtango dongchina ge·eta
Date:
Share post:
