NEW DELHI: Mijal Budbar attamo ma·mongni Cabinet-ko a·songni Prime Minister Narendra Modi, gital dake sualpiltaiaha aro Cabinet-ko sualpiltaianio salgro salaram a·dokrangoniba MP sakbonga, Cabinet-o biapko man·rikpaaha.
Ma·mongni gital Cabinet-o rimnapako man·gipa sak 43 MP-rangoni sakbongade salgro salaram a·dokrangoni ong·a aro uamangara Arunachal Pradesh-oni Kiren Rijiju, Assam-ni Rameswar Teli, Assam-oni sakgipin MP Sarbananda Sonowal, Manipur-oni Dr RK Ranjan Singh aro Tripura a·dokoni Pratima Bhowmik ong·a. Ia gital minister-rangni bimingko New Delhi-ni Rashtrapati Bhavan-o minister-rangni ku·mikchetatna skang jinmana parakataha.
Cabinet-o rimnapako man·gipa sak 43 MP-rangoni sak 7-de Minister of State (MoS)-oni Union Minister-ona ra·doatako man·gipa membor-rang ong·a aro sak 36-de gital rimnapako man·gipa minister-rang ong·skaa.
Union Cabinet-o rimnapako man·gipa sak 43 gital minister-rangni bimingranga, Narayan Tatu Rane, Sarbananda Sonowal, Dr. Virendra Kumar, Jyotiraditya M Scindia, Ramchandra Prasad Singh, Ashwini Vaishnaw, Pashu Pati Kumar Paras, Kiren Rijiju, Raj Kumar Singh, Hardeep Singh Puri, Mansukh Mandaviya, Bhupender Yadav, Parshottam Rupala, G Kishan Reddy, Anurag Singh Thakur, Pankaj Choudhary, Anupriya Singh Patel, Dr. Satya Pal Singh Baghel, Rajeev Chandrasekhar, Shobha Karandlaje, Bhanu Pratap Singh Verma, Darshana Vikram Jardosh, Meenakashi Lekhi, Annapurna Devi, A Narayanaswamy, Kaushal Kishore, Ajay Bhatt, BL Verma, Ajay Kumar, Chauhan Devusingh, Bhagwanth Khuba, Kapil Moreshwar Patil, Pratima Bhoumik, Dr. Subhas Sarkar, Dr. Bhagwat Kishanrao Karad, Dr. Rajkumar Ranjan Singh, Dr. Bharati Pravin Pawar, Bishweswar Tudu, Shantanu Thakur, Dr. Munjapara Mahendrabhai, John Barla, Dr. L Murugan aro Nisith Pramanik ong·a.
Gital minister-rangni ku·mikchetna skang, sak 13 minister-rangde kamtangtangko watangaha aro uamangoni mongsonggipa minister-rangara Dr Harsh Vardhan, Prakash Javadekar, Ravi Shankar Prasad, Ramesh Pokhriyal aro gipinrang ong·achim.
Union Social Justice & Empowerment Minister Thawarchand Gehlot-koba Mongolbar salo Karnataka-ni Governor-ona ra·doatskaahani gimin, uaba apsan somoion kamtangko watangaha.
Ia gital Cabinet-o biapko man·rikgijagipa sak 13 gitcham minister-rangara, Dr Harsh Vardhan, Prakash Javadekar, Ravi Shankar Prasad, Ramesh Pokhriyal, D.V. Sadananda Gowda, Thawarchand Gehlot, Santosh Gangwar, Debasree Chaudhuri, Sanjay Dhotre, Babul Supriyo, Ashwini Kumar Choubey, Pratap Chandra Sarangi aro Raosaheb Danve ong·skaa.