SHILLONG: Mijal Sonibar salni bako sak 485 manderang Meghalayani dingtang dingtang biaprango COVID-19 sabisiko man·daptaiaha aro sak 506 manderang COVID-oni nampilskaaha, unomitingo ia apsan salon saksni manderang COVID sabisio uamangni janggirangko gimaataha.
Batanggimin konta 24-ni gisepo gital COVID sabisiko man·dapgipa sak 485 manderangoni EKH-o sak 161, WJH-o sak 96, WGH-o sak 70, NGH-o sak 47, WKH-o sak 35, EGH-o sak 20, EJH-o sak 16, Ri-Bhoio sak 13, SWKH-o sak 12, SGH-o sak 10 aro sak 5 SWGH district-oni ong·a.
Apsan somoini bakon sak 506 manderang COVID sabisioni nampiltokskaaha, uamangoni EKH-o sak 183, Ri-Bhoio sak 154, WGH-o sak 58, WJH-o sak 28, NGH-o sak 23, WKH-o sak 18, SWKH-o sak 15, EGH-o sak 15 EJH-o sak 8, SWGH-o sak 4. Mijal salni bakode South Garo Hills district-o COVID man·giparangoni darangba nampilgipa dongjaha.
Mijal salni bako a·dokni dingtang dingtang biaprango sak 7 manderang COVId sabisio siangdapaha. Uamangoni East Khasi Hills-o sak 4, Ri-Bhoio sakgni aro saksa South Garo Hills-o siangaha.
Meghalaya a·doko COVID-19 sabisiko man·giparang gimikchide sak 54,155 gapaha, uamangoni sak 48,886 manderang COVID-oni nampilaha, sak 906 manderang sabisio uamangni janggirangko gimaataha, COVID man·e donggiparang a·doko da·oba sak 4,363 gapengkua.
