SHILLONG: NIC aro Finance department-ni pensioner-rangna tarie on·gipa Pensioner’s Life Certificate Verification Mobile App-ko mijal Bristibar salo, a·dokni Chief Minister Conrad K Sangma-ni jakchi a·bachengate on·angaha aro ia Mobile App-ko video conference gita a·bachengatanio a·dokni Information & Technology Minister Hamletson Dohling, Chief Secretary MS Rao, Additional Chief Secretary Rebecca Suchiang, Finance Secretary PK Agrahari, State Informatics Officer T Dkhar aro pensioner-rangba dongpae bak ra·angaha.
Pensioner ba kamoni neng·takgimin manderang maming neng·nikani gri, an·tangtangni tangengkuaniko sorkari official-rangna u·iatna man·na gita ia Pensioner’s Life Certificate Verification Mobile App-ko NIC aro Meghalaya sorkarini Finance Department tarie on·ahachim.
Kamoni neng·takgimin manderang, Life Certificate-rangko tarianio an·tangtangni tangkuenganiko mesokna gita Treasury officer ba pension on·gipa official-rangni mikkangona re·na nange neng·nikanirangko chagrongna nangrongengani gimin ia Mobile App-ko sorkari a·bachengataha.
Ia Mobile App-ko video conferencing gita a·bachengate on·angani somoio a·dokni Chief Minister Conrad K Sangma aganprakatengon, pensioner-rangni namgnina ia Mobile App-ko tarie on·ahani gimin NIC aro Finance department-ko mittelpilangaha aro iandakgipa app-rangko tarianichi manderangna maming neng·nikani grian sorkarini kamrangko sokate on·na man·a ine parakataha.
Chief Minister-ni aganani gitade, kamoni neng·takgimin manderang bang·batan butchuma budeparangsa ong·e an·tangtangni pension aro gipin kamrangna ong·katna gita namen neng·beani ong·a aro da·o gita COVID-19 giproroani somoio ia app-ko pensioner-rangna tarie on·aniara butchuma budeparangna nokoni ong·katna nanggijan noktangtangoni mobile phone-rang gita kamrangko ka·na dakchakani ong·gen.
Ia Mobile app-ko a·bachengatani somoio a·dokni Chief Secretary MS Rao-ba jinmana aganprakatengon, Meghalaya a·dokba pensioner-rangni namgnina iandakgipa gital kolko tarie jakkalgipa a·dokrangoni damsa ong·paaha ine parakatenba, ia app-ko jakkalanio pensioner-rangni nangchongmotgipa data-rangko gipin a·songni server-rango donjawa aro pensioner-rang Smart Phone-rangko jakkale, noktangtangonin kamrangko ka·na man·gnok ine parakataha.
Ia Mobile App-ko https://play.google.com/
Pensioner’s Life Certificate Mobile App-ko CM-ni jakchi a·bachengate on·anga
Date:
Share post:
