SHILLONG: West Garo Hills-ni ning·ogipa Dadenggre Upper Primary section-ni, Meghalaya Teachers Eligibility Test (MTET)-ni viva voce result-ko parakatgija jaroatengani gimin Garo Students’ Union (GSU), Western Zone suk ong·gijaniko parakaha.
Indake ong·engon, iani mamlarangko joltangni MLA, Chief Minister aroba Education Minister nirokatgenchimode candidate-rangna namen dakchakani ong·genchim ine aganan baksa Dadenggre division-ni MTET result-ko maming cha·chipilani gri seng·gnange parakatchina gitaba GSU president, Tengsan Marak sokariko mol·molataha.
Unomitingo Education Department-ni official saksani u·iatani gitade MTET porikka seani result-rangko parakatmanaha aro interview-ni result-koba parakatna tariengaha.
