SHILLONG: NEIGRIHMS-ni chatro-chatrirang, institute-ni Director In-charge-ko jagittamna uamangko campus-o chipchange done mande jatni bil (human rights) niamko pe·a ine matnangaha, indiba administration-de, covid sabisioni chelchak-naljokatna miksonganiosa champengaha ine aganskaha.
Chatro-chatrirangko campus ning·o chipchange donan jagittam batengjok, jeni a·sel an·tangtangna nangan bosturangko brena gita cholko man·jaenga, unbaksana campus-oni ong·katna man·jae adita dingtang dingtang neng·nikarangko chagrongna gita nangenga, jeni a·sel bang·arang gisikni gita sinjetaniko man·enga ine mitam chatro-chatrirang aganaha.
“Kakketko agangenchimode chinga gisikni gita sinjetaniko man·enga, minggipin Mental Health-ni bidingo India-o bang·gijarangsan u·itoka. Covid-ni gimin kena ong·ode maina doctor, uamangni bi·sarangko, cook security, interns, cleaner aro gipinrangkode campus-oni ong·katna jakgittel watenga, ine student-rang sing·aha.
Institute-ni student-rang, Meghalaya sorkari ba India sorkarini dongimin niamkosan ja·rik on·china gita nangnikenga. Salanti ong·jaoba antio changprak campus-oni ong·katna cholko on·china dabiaha.
Indake ong·engon NEIGRIHMS-ni Director-ko iani bidingo sing·aton, “Covid sabisioni student-rangko naljokna miksonganiosa champenganiko ra·gataha ine Director Dr. P Bhattacharya aganchakaha.
“Chinga chu·gimik niamrangko ja·rikenga indiba student-rangni simsakjani a·sel sabisi man·tokenga, student-rang hostel-oba mask-rangko gangija jinma tom·dake ro·tokaia, ineba director aganaha.
Minggipin pandemic-ni somoio manderang an·tangtangna simsakenba bang·arangan online shopping ka·toka, apsan daken student-rangba ja·rikna man·a indiba uamang Police Bazar ong·katnasan sanditoka. Ia institute namen dal·bea uni gimin simsakbatna nanga, uamangni namgninasa champenganiko donaha, ine Bhattacharya aganaha.
