SHILLONG: COVID-19 sabisi sajinmako dakgrikchakna gita Sorkarini kam ka·anio district administration-ko dakchakenba an·tangtangko on·kange mande jatna dangdike on·gipa constituency-tangni Medical Staff, Asha worker-rangna, Aganwadi, Mortuary Van Driver aro sigimin manggisirangko salrurarana aro gopna dakchakgipa dolna 19th South Shillong Constituency-ni BJP MLA cum MCCI Chairman Sanbor Shullai, mija Sonibaro tangka paisa, boksis aro certificate-rangko on·enba mandera·aniko dakangaha.
Uamangko mandera·aniko dakanio, Shullai, gong lak 4 tangkarangko uni dormahaoniko koros ka·aha. Sabisi sajinmani aroba lockdown-ni somoio, an·tangtangko on·kange mande jatna dangdike on·anina MLA, health worker-rangko mittelangaha.
Indake Meghalayao, COVID sabisiko dakgrikchakna mikkangchake kam ka·giparangko aroba Chief Minister, Deputy Chief Minister, Deputy Commissioner, Doctor, Magistrate aro Police personal-koba ua mittelaha.
