SHILLONG: Batanggimin konta 24-ni gisepo Meghalaya a·doko sak 193 manderang COVID-19 sabisiko man·dapaha, jeon sak 172 manderang sabisioni nampilskaaha, unomitingo mijal salni bako COVID sabisini a·sel saksa siangaha.
South Garo Hills aro South West Garo Hills district-rangona agrede mijal salni bako a·dokni gimik district-rangon COVID man·dapgiparang dongkuaha. Mijal salni bako sak 193 manderang COVID man·dapaha, uamangoni East Garo Hills-o sak 3, East Jaintia Hills-o sak 8, East Khasi Hills-o sak 138, North Garo Hills-o sak 1, Ri-Bhoio sak 11, South West Khasi Hills-o sak 6, West Garo Hills-o sak 7, West Jaintia Hills-o sak 6 aro West Khasi Hills-o sak 13.
Apsan salni bakon sak 172 manderang COVID sabisioni nampilaha. uamangoni East Garo Hills-o sak 1, East Jaintia Hills-o sak 6, East Khasi Hills-o sak 88, North Garo Hills-o sak 2, Ri-Bhoio sak 14, South Garo Hills-o sak 6, South West Khasi Hills-o sak 2, West Garo Hills-o sak 22, West Jaintia Hills-o sak 16, West Khasi Hills-o sak 15. South West Garo Hills district-ode mijal salni bako COVID-oni nampilgipa saksaba dongjaha.
Indake ong·engon, mijal salni bakode pilak salrangna bate komibate West Khasi Hills-o saksan COVID salbisi man·gipa siangaha, jean COVID tikka su·kujachim.
Meghalaya a·doko COVID-19 sabisiko man·giparang mijal salona gimikchi sak 76,505 gapangaha, uamangoni sak 72,886 manderang COVID sabisioni nampilaha aro sak 1,323 manderang uamangni janggirangko COVID sabisio gimaataha, indake COVID sabisi man·enggiparang Meghalayao da·oba sak 2,295 dongengkua.
A·doko sak 2,295 man·e dongenggiparangoni East Khasi Hills-o sak 1,253, West Khasi Hills-o sak 309, Ri-Bhoio sak 249, West Jainti Hills-o sak 189, South West Khasi Hills-o sak 120, West Garo Hills-o sak 78, East Jaintia Hills-o sak 45, East Garo Hills-o sak 22, South West Garo Hills-o sak 19, North Garo Hills-o sak 7 aro South Garo Hills-o sak 4 dongenga.
