SHILLONG: Meghalaya Pradesh Congress Committee-ni gital seoka man·gipa president aro chang gittamna MP ong·enggipa, Vincent H. Pala aro Congress Legislature Party dilgipa aro chief minister gitcham, Mukul M. Sangma-ni gisepo meligrikgijani apalbatangenga ine nikengon, Mukul Sangma, party-ko wate katjawa ine State Congress ka·dongskaenga.
CLP dilgipa party-ni kosakode re·badeangjawa ine MPCC working president, Ampareen Lyngdoh, ka·dongchakani kattarangko mija Robibaro aganaha.
Party-na gital seokatgipa MPCC president, Vincent H. Pala-ko rimchaksoaniko dakanio CLP dilgipa Dr Mukul Sangma aro Garo Hills-ni Congress MLA-rang bak ra·tokjani bidingo sing·anina aganchakengon, “Dr Mukul, gital kam ka·atanirangna haida kusi ong·jakon. Indakoba ua ia party-on ru·uta bilsirangna bakrimahani gimin party-ni kosakode chakatjanaba donga,’’ Ma Lyngdoh aganaha.
Uni aganani gitade, party-o ning·joljol nanggrikanirangko namgrikatna gita somoi nanggen. “Indiba ia pilak ong·anirang, party-ko maming gimaaniona sokatjawa. Chinga ru·uta somoirangna MPCC president-ko seokaniko seng dongbeaha,” Lyngdoh aganaha.
Gitcham dilgiparang— RG Lyngdoh aro PN Syiem mangko party-ona rimbaako Dr Mukul namnikjama ine sing·anina aganchakengon, badiaba kamrango namnikjaengnaba donga. Ua an·tangni nangnikaniko dakaniko nangnikengnaba donga ine MPCC working president aganaha.
“Chinga una(Mukul) somoi on·na nanggen. Uni nangnikaniko man·sina gita chinga uko grongna jotton ka·gen,” bebegita Vincent Pala aro Mukul Sangma mang party-ko re·dilgenchimode, 2023 Assembly election-o Congress party chu·sokgipa ong·telaigen ineba Ma Lyngdoh agandapaha.
CLP dilgipa party-ni kosakode re·badeangjawa ine MPCC working president, Ampareen Lyngdoh, ka·dongchakani kattarangko mija Robibaro aganaha.
Party-na gital seokatgipa MPCC president, Vincent H. Pala-ko rimchaksoaniko dakanio CLP dilgipa Dr Mukul Sangma aro Garo Hills-ni Congress MLA-rang bak ra·tokjani bidingo sing·anina aganchakengon, “Dr Mukul, gital kam ka·atanirangna haida kusi ong·jakon. Indakoba ua ia party-on ru·uta bilsirangna bakrimahani gimin party-ni kosakode chakatjanaba donga,’’ Ma Lyngdoh aganaha.
Uni aganani gitade, party-o ning·joljol nanggrikanirangko namgrikatna gita somoi nanggen. “Indiba ia pilak ong·anirang, party-ko maming gimaaniona sokatjawa. Chinga ru·uta somoirangna MPCC president-ko seokaniko seng dongbeaha,” Lyngdoh aganaha.
Gitcham dilgiparang— RG Lyngdoh aro PN Syiem mangko party-ona rimbaako Dr Mukul namnikjama ine sing·anina aganchakengon, badiaba kamrango namnikjaengnaba donga. Ua an·tangni nangnikaniko dakaniko nangnikengnaba donga ine MPCC working president aganaha.
“Chinga una(Mukul) somoi on·na nanggen. Uni nangnikaniko man·sina gita chinga uko grongna jotton ka·gen,” bebegita Vincent Pala aro Mukul Sangma mang party-ko re·dilgenchimode, 2023 Assembly election-o Congress party chu·sokgipa ong·telaigen ineba Ma Lyngdoh agandapaha.
