SHILLONG: Shillong songjinmani Them Metor (Harijan Colony)-ni bidingo am·sandianirangko dakna gita a·dok sorkarini songe on·gipa High Level Committee (HLC), Mongolbar attamo report-ko sorkarina on·eaha.
Ia report-ko da·o a·dokni Cabinet jako ra·e nipilanggnok.
A·dokni Deputy Chief Minister Prestone Tynsong-ni parakatani gitade, HLC-ni ku·pattie on·anirangko sorkari, sulsul nianggen aro nanga gita ja·kurangko de·anggen.
2018 bilsini June 4 tariko Harijan Colony-o dolgni dinggrike so·sojengjeng ong·angani ja·man, ia a·selni bidingo am·sandianirangko dakna gita a·dok sorkari, ia committee-ko songe on·angahachim aro ia committee da·o bilsi gittamni ja·manosa report-ko sorkarina on·eahachim.