SHILLONG: By-poll-rangna namen ding·doengon aro political party tarisusaengon, NPP jeon dam gittam bye-poll constituency-rango susaenga NPP-o manderang uamangni ka·donganiko dontaigen ine ka·dongenga.
“Election-rang pangnan niksamsoani ong·rongja indiba chinga je pilak kamrangko ka·aha ua chingni sorkario manderang uamangni ka·donganiko on·taigen ine chinga ka·dongenga,” NPP dilgipa aro Minister in-charge Health, James Sangma, dam gittam Assembly constituency-rango bye-poll-ni kam ka·ani gimin sing·anina aganchakao aganaha.
“Ia election-o dam gittam seat-rang gimikon NPP chegen,’’ ua aganaha.
NPP, Mawryngkneng constituency-o Pyniaid Sing Syiem-ko susaatenga, Mawphlang-oni Congress bobil Lamphrang Blah NPP-ni candidate ong·skasha aro Rajabala-oni Abdus Saleh ong·a.
October 30 tariko ong·nasienggipa a·dokni dam gittam Assembly constituency-rangni bye-election-rangna sak 13-mang candidate-rang susaani a·bao ong·enga.
Mawryngkneng Rajabala-oni sak bongaprak susaagen aro Mawphlang seat-o sak gittam candidate-rang susagen.
Sak gittam candidate-rang-gitcham Congress dilgipa aro independent candidate Norbert Marboh, KHNAM-ni Esron Marwein aro saksa Mawryngkneng PHC-ni nurse gitcham, Arbiangkam Kharsohmat, mija Sukrobar-o file nomination ka·ani bon·kamgipa salo Mawryngkneng-oni uamangni file nomination lekkarangko on·aha.
Susaenggipa sakgni gipin candidate-rang Congress candidate Highlander Kharmalki aro NPP-ni Pyniaid Sing Syiem ong·a.
Congress candidate Kennedy C. Khyriem, UDP-ni Eugeneson Lyngdoh Mawphlang aro Congress-ko namnikgija NPP candidate ong·skagipa Lamphrang Blah iamangko chane Mawphlang-oni sak gittam candidate-rang donga.
Rajabala-o, sak bonga susaenga, UDP-ni Ashahel D Shira, Congress-ko namnikgija katgipa MDC, BJP candidate Kingstone B Marak, Congress candidate Hashina Yasmin Mondal aro NPP-ni Abdus Saleh aro Independent candidate Carla R Sangma ong·a.