By-election-o NPP-na pu·onjachina manderangko HNLC didia

Antisani gisepon NPP-ni office-rangko chipchina ka·mikkenata

 

SHILLONG: Hynniewtrep National Liberation Council (HNLC) bobil dolni gitcham dilgipa Cheristerfield Thangkhiew-ko so·ote galanina jegale, da·o October-ni 30 tariko ong·atna sienggipa by-election-rango National People’s Party (NPP)-na pu·onjachina gita a·dokni manderangko didiataha.

Khasi aro Jaintia Hills a·jarango donggipa pilak NPP office-rangkon da·o antisani gisepon chiptokchina gitaba HNLC ka·mikkenataha.

“NPP-ni office-rangko chipchina gita chinga antisa somoiko on·enga,” ine Budbar salo, HNLC-ni general secretary aro publicity secretary Sainkupar Nongtraw parakataha.

Meghalaya a·doko national party-rang, Tribal-rangna kakketo kamko ka·na man·ja ineba HNLC-ni general secretary parakataha.

“National party-rangde a·doko songdongenggipa manderangni neng·nikanirangko namatna man·jawa, uni gimin uamangde sundarerang gitasa ong·aia,” ine Nongtraw parakataha.

Meghalaya a·doko songdongenggipa manderangna nambate kamko ka·na gita bilakgipa regional party-ko nangenga ineba ua parakataha.

HNLC-ni membor saksa Emanuel Suchen-ni bame on·a ine police-rangni a·kanganiara tol·gipasan ong·aia ineba HNLC-ni dilgipa parakataha. 

Get real time updates directly on your device, subscribe now.

Comments are closed.