GH-o chadambe sakgni bike a·sel ong·e sia

TURA: Mongolbar walo, South West Garo Hills a·jani Garobadha samba jolo, chadambe sakgni bike a·sel ong·enba janggitangtangko gimaatna gita nangaha.

Koborko on·ani gitade, Mongolbar salo Assam a·dokni Mankachar jolo donggipa Teporapara songoni Muluk Chand aro Ahinur Islam, Durga Puja maniani a·bachengako nina gita Garobadha-ona re·baahachim.

Puja-oni noktangtangchi re·angpilengmiting somoio uamang ta·rakbee bike-ko sale re·angon, bike-ni ta·rakako amchakjae ramasamchi tang·angenba ja·mano bol pangsao su·gake a·sel ong·eaha ine kobor on·aha.

Bike-o noktangtangchi re·angpilengon, uamang sakgnian helmet-koba ganjachim aro iani a·selan uamang bilongbee skorango mata bu·aniko man·aha aro sakgnian janggitangtangko gimaatna nangaha ineba kobor on·timgiparang parakataha.