TURA: 47-Rajabala (Gen) Legislative Assembly Constituency-ni by-election-na Election Commission of India (ECI)-ni songe on·ako man·gipa Election General Observer Mahesh Chandra Sharma, Garo Hills-ona sokbaaha aro da·o ua Tura Circuit House-o dongenga ine West Garo Hills a·jani District Election Officer, Rajabala constituency-ni ning·o songdongenggipa manderangna u·iataha.
Uandaken, Model Code of Conduct (MCC)-o nangchakegipa maiba kamrangni bidingo badi ka·na nanganirang donggenchimode ba maiba sing·na nanganirang donggenchimode ba u·iatna nanganirang donggenchimode, kosako janapatgimin General Observer-na u·iatna man·gen ineba District Election Officer u·iataha.
General Observer-na Tura Circuit House-ni Room VIP Annex-ko on·aha aro una maiba u·iatna nanganirang donggenchimode, pring 10:00 aro pring 11:00 bajini gisepo 9863829195 mobile nombor-ona ka·atna man·gen ineba u·iataha.