BAGHMARA: India a·songni jakgitelaniko man·aoni bilsi 75 gapaniko manina gita ma·mong sorkarini ong·atenggipa ‘Azadi Ka Amrit Mahotsav’-ni bak gita South Garo Hills a·jani District Legal Services Authority (DLSA), Chokpot, Nongalbibra, Kapasipara, Dabit Ampangdam, Gittinggre, Jaksongram aro uandakgipa dingtang dingtang songrango outreach aro awareness program-rangko ong·atenga.
Outreach program-ko ong·atanio South Garo Hills a·jani Chief Judicial Magistrate Daniel S Marbaniang, First Class Judicial Magistrate RDK Sangma, Para Legal Volunteer Milan M Sangma aro dingtang dingtang official-rangba bakko ra·angaha.
Ia program-ko song damsao ong·atanio Chief Judicial Magistrate Daniel S Marbaniang, jinmana aganprakangengon, Indian Constitution-ni Article 39A-ni ning·o manderangna indin dakchakanirangko on·na gita ra·gatgipa Legal Aid Services Authority-ni bidingo manderangna talatanirangko on·angaha aro manderangna on·gimin bilrangni giminba agan-talate on·angaha.
‘Azadi Ka Amrit Mahotsav’-ni miksonganirangko jinmana talate on·angengon, bilsi 75-na a·songko rikanio mai dakgipa chu·sokanirangko nikna man·aha, uarangni gimin Marbaniang agan-talate on·angaha.
Songni nokni manderangna dangdike on·na gita an·tangtangko Para Legal Volunteer dake biming segatchinaba ua jolo songdongenggipa manderangko didiangaha.
Ia program-ko ong·atanio jolni Para Legal Volunteer Milan M Sangma-ba jinmana aganprakangengon, an·tang baksa songdongrimskarangko Para Legal Volunteer dake biming segatchina didiangenba, manderangni niam gita dakchakanirangko nangengmiting somoio dakchake on·skachina didiangaha. Butchuma budeparangna sorkarini on·enggipa dingtang dingtang scheme-rangni giminba ua manderangna talate on·angaha aro ia scheme-rangko an·tangtangni namgnirangna ra·china didiangaha.
SGH-o ‘Azadi Ka Amrit Mahotsav’-ni bak gita awareness program-rangko ong·atenga
Date:
Share post:
