TURA: East Gao Hills Nongbak Rengkil songo Sericulture Office, Meghalaya Bssin Development Authority baksa nangrime sal bongana training programme-ko ong·ataha.
Training on·a nanganio aro jaktangchi ba·ra dokanio changa-sapani gadangko tang·doatna programme-ko ong·ataha.
Extra Assistant Commissioner, Williamnagar, YW Momin, chief guest ong·e programme-ko do·ga oprake on·ao uni aganao, jatni ganding-chindingko dakbewal ba·ra-kancharangko jaktangchi dokaniko tangchaatpilna nangenga ine ua aganaha. Chadamberangna jakchi ba·ra dokaniko tik tak changa-sapani mong-songgipa ong·anikoba ua agan-mesokaha.
Programme-o agangipa gipinrang District Programme Officer, Basin Development Unit, Williamnagar, Z Sangma, aro District Sericulture Officer, Williamnagar, Sanre Momin-maang aganpaaha.
