SHILLONG: UDP-ni dilgipa aro Home Minister Lahkmen Rymbui, state politics-o TMC-ni re·baaniko a·dokna namade ong·ja ine aganatenba re·baenggipa 2023 Assembly election-o uamangan bang·bate seat-ko chegen ine ka·dongataha.
“Bang·e political party dongon jaja-jiji ong·tokgen. Jegita a·doko party komigen ugitan nambatgen, bang·e party dongode, Meghalaya a·dokni manderang namen jaja-jiji ong·batgen, ine Rymbui aganaha.
“Uandake a·doko TMC-ni re·baani gimin janapatengon, UDP, re·baenggipa election-ko cheaigen,” ine agandapaha.
Minggipin Deputy Chief Minister Prestone Tynsong-ba sak 12 MLA-rangni AITMC-o napangani gimin janapatengon indine aganaha, “Meghalaya a·doko BJP, ‘Congress Mukt’ ingipa kattachi chu·sokjanaba gnang indiba TMC Congress legislator-rangko bak dakataha jeni a·sel mitamrang TMC baksa bakrimtokaha. Sak 12 Congress MLA-rang, jemangan All India Trinamool Congress baksa bakrimaha, uamangko goka ine chanchima? Ong·ja, uamang namen gisik seng·giparang ong·a, party-oni ong·katna skangan legal expert ba niam gita gisik matsramgiparang baksa agangrikenggen.
