shillong: Da·al a·gilsak gimikon World Aids Day-ko maniengon, HIV sagipa manderangko geljachina gita manderangna ma·siata-niko on·na miksonganio, Meghalaya Aids Control Society-ni gitaba da·al Shillongo mingsa bike cum vintage car rally-ko ong·ate ia salko maniangaha.
Ia World AIDS Day-ko manianio aganengon, a·doko sak 5,000 mang HIV sabisi man·e uamangni bimingrangko segatgipa donga aro biming segatku-gijagiparangba sak 6,000 mang dongkugen ine Meghalaya AIDS Control Society (MACS)-ni project director Dr R Allya u·iataha. Indake West Jaintia Hills District-ni, Iawmusiang Market, Ummulong taxi stand, ia damgni biaprango Society for Urban & Rural Empowerment (SURE)-ni gita Meghalaya Aids Control Society (MACS)-ni dakchakanichi ia salko maniangaha aro gipin tom·anirangko Woodland Hospital-ni gitaba “End Inequalities End Aids" ine pang-chakaniko donenba maniangaha.