NONGPOH: North Eastern Space Application Center (NESAC), College of Post Graduate Studies in Agricultural Sciences (CPGSAS), Ri Bhoi Farmers Union (RBFU) baksa Ri Bhoi District Umsning C &RD Nongmawlong songo tom·aniko ong·-atgipao Meghalaya Farmers Day-ko maniangaha.
Ua salo research project-Integration aro gama-suanina Unmanned Aerial Vehicle (UAV)-ni dorkastoni aro salgro-salaramni gamgiparangna gama-suanio agan-ku·pattiani kamrangna sakkiko on·ao Integrated Instruument Display Sysem (IIDS)-ko nirokani bidingo awareness-cum-workshop-ko ong·atjolaha, jekon uamangni ku·siktango Drone Ha ka Buit Rep Thymmai (DHaBReT) ine agana, jenan India sorkarini Digital India Corporation, MeitY tangka-paisako chamataha aro NESAC, CPGSAS, CAU(I) Umiam aro RBFU nangrime, Meghalaya Farmers Day-ko manijolaha.
Dr. S.P. Aggarwal, Director, NESAC-ni jean chief guest ong·e tom·ako chalaiaha, janggi tanganio drone applications gamgiparangna namgni ong·aniko ua aganaha. Prof. P. Ranjit Sharma, Director of Extension Education, CAU, Imphal-ni (online)-ni gita agro-advisory services of DHaBReT-ni a·a, gama·sua, uamangni gamsue man·anirangni digital market link-ni sakkirangna didiangaha.
