Omicron-ko warachaksona, gipin biaponi re·bagiparangko nirokenga: James Sangma

SHILLONG: Coronavirus-ni gital rokom sabisi Omicron-ko champengsona kam ka·anio, gipin biaprangoni re·bagiparangko aro tourist -rangni napbaaniko name daken nirokenga ine Sonibar salo Health Minister James PK Sangma aganaha.
Uandake kobor ra·timgiparang baksa agangrikmitingo Sangma indine aganataha, “coronavirus-ni gital rokom sabisi Omicron-ko talbate u·ina gita bang·a a·songrangan sandina jotton ka·kuenga, ia sabisiara baditana kengni ong·a ba maidake kam ka·a ba uandakgiparangko u·ina sandianiko dakenga. Uni gimin maming talsoaniko man·gija, sabisini gimin an·tangtangni ma·sia ba u·ianiko agansoaniara kraa ong·jawa, ineba Health Miniser agandapaha.
Minggipin department, a·doko sae dongenggiparangko genome sequence ka·e nienga, da·o dipetde a·doko Omicron rokomni sabisni dongkujaenga.
“Meghalaya-o covid-ni gital rokom sabisi sokbajawa ine ka·dongsoenga, indiba sokbana donga ingipao sorkari tarisoe dongenga. Indake ong·engon a·doko vaccination drive ba tika su·anio raken kam ka·enga aro a·dokni bang·bata manderangan covid-ni skanggipa tikako su·mantokjok. A·dokni manderangko sabisioni chelchakna tika su·anian bilakgipa chol ong·a unbaksana covid-19 protocol-rangkoba donaha, ine Health Minister agankuaha.

Get real time updates directly on your device, subscribe now.

Comments are closed.