Saturday, July 12, 2025
spot_img

Muster Roll Workers Union-ni chang 3-gipa tom·bimonganiko ong·atanga

Date:

Share post:

spot_imgspot_img

TURA: All Meghalaya Muster Roll Workers Union (AMMRPWU)-ni changgittamgipa tom·bimonganiko re·anggipa Sonibar salo, Asanang Multi Facility Hall-o ong·atangaha aro ia tom·bimonganio Meghalaya a·dokni pilak biaprangonin Muster Roll worker-rang re·bae bakko ra·angtokaha.
Ia tom·bimonganio AMMRPWU-ni gital dilgiparangkoba seokangjolaha aro seokako man·gipa manderangara, president-na Hubert Kharbani, general secretary-na Nazarus K Lanong aro Dalseng Sangma baksana gitcham vice president, joint secretary aro treasurer-koba kamtangtangon donangpilaha. Union-ni working president, finance secretary aro co-secretary-ko seokna gita ia tom·anio dingtangmancha executive committee-na bilko on·e donangskaaha.
Ia tom·bimonganio AMMRPWU-ni gital president Hubert Kharbani, jinmana aganprakangengon, Muster Roll worker-rangni namgnina kamrangko ka·na gita ku·rachakangan baksana union-ni dingtang dingtang dabianirangko be·en pil·atna gita rakbate kamko ka·na Muster Roll worker-rangko ku·mongdilangaha.
Muster Roll worker-rangni mongsonggipa dabianirangni gimin janapangengon, personnel & administrative reforms (B) department-ni 1996 bilsio on·gipa office memorandum-o pangchake 50% group ‘D’ post-rango muster roll-rangko kamo regularise ka·china, muster roll-rangni man·gniko jaanti on·china, kamo regularise ka·a man·kugijagipa muster roll-rangna Supreme Court-ni dongimin niam ‘Equal Pay for Equal Work’-o pangchake apsan dormahako on·china, dingtang dingtang department-ni muster roll-rangna casual leave, EPF, ESI, bonus aro uandakgiparangko on·china dabianirangan ong·achim ine AMMRPWU-ni president parakatenba, mikkangchi ia dabianirangko chu·sokgipa ong·atna git aua rakbate kamko ka·anggen ine Muster Roll worker-rangna ku·rachakaniko on·angaha.

spot_imgspot_img

Related articles

M’laya’s tax share surges 572% to Rs 48,883 cr in 10 years: FM

SHILLONG, July 11: Union Finance Minister Nirmala Sitharaman on Friday highlighted the significant increase in central financial support...

FM eulogises traditional Khasi wisdom

SHILLONG, July 11: Union Finance Minister Nirmala Sitharaman was all praise for the traditional wisdom of the Khasi...

Sitharaman lays base for projects worth Rs 1,400 cr

SHILLONG, July 11: Union Finance Minister Nirmala Sitharaman on Friday virtually laid the foundation for several key projects...