TURA: Garo Graduates Union-ni annual general conference ba bilsini tom·bimonganiko re·anggipa December-ni 18 tariko Tura-ni Mason Philips Academy-o ong·atangaha.
Ia tom·bimonganio North Garo Hills a·jani Additional Deputy Commissioner (ADC) ZJ Sangma, mongsonggipa sokgipa ong·e bakko ra·angaha aro GGU-ni annual magazine ‘Mikaoa’-ko oprake on·angjolaha.
Ia tom·bimonganio ua ‘A·chik Chadamberangni Interview-na tarisamsoani’ ine donsogimin katta bichongni giminba jinmana agan-talate on·angaha.
Ia tom·bimonganiko ong·atanio dingtang dingtang biaprangoni graduate ong·gimin A·chikrang re·bae bakko ra·angtokaha.
GGU-ni tom·bimonganiko ong·atanio jinmana aganprakanggipa gipin manderangara, Dr Angelish A Sangma, Rojer Benny A Sangma, Jamindro R Marak aro gipinrang ong·a.
